Sega Jamblang #2

Gaji Gede Kerja Minimal

Esuk-esuk Wak Haji wis marani warung sega jamblange Yu Narti. Ning Kana wis ana Dulgani karo Mang Dekok lagi sarapan. “Assalamu’alaikum Wak Haji, tumben esuk-esuk wis mene, lagi kempong apa kangen karo sing dagang segae?” Jare Dulgani bari cengengesan. “Kurang ajar bocah kopok kuh ya!” Jare Wak Haji sewot bari ngeplak endase Dulgani. Mang Dekok mung cengangas cengenges bae deleng ulahe wong loro kuen.

“Mang, sira kuh ngerti beli ari Mbah Marijan mau bengi jadi korban Merapi kuh?” takon Wak Haji ning Mang Dekok. “Iya tah wak? Esuk kien kita durung sempet nonton tipi, melas temen ya uwong kuh!” bales Mang Dekok.

“Kena anggo contoh kuh Dul! Wis uwonge beli sombong, omongane bener terus mengggawe’e gen tulus tanpa pamrih. Beli kaya pejabat-pejabat jaman sekien.” Jare Wak Haji. “Emang bedae apa wak?” Takon Dulgani.

“Bedae kih, ari Mbah Marijan sih bagen digaji cilik karo keraton gen, tetep jekel amanat trus kerjae gen maksimal... lah ari pejabat-pejabat jaman sekien, wis gajie gede, fasilitase akeh, beli jekel amanat alias asal bapak senang bae, trus kerjae gen minimal. (NC)

Salah nang Bae Kodok...

“Udan ngricik bae cah! Kien sih bisa kempong maning...” Jare Jaroji bari mandeng godong jamblange sing wis bersih. “Kita sih wedi banjir bae cung kaya ning Jakarta” Jare Yu Narti sing dagang sega jamblang. “Ari Jakarta sih wajar bae banjir. Deleng bae kalie isie sampah mlulu.” Jare Mang Dekok bari ngunyah segae.

“Kuen kuh beli pernah dibersihi tah kalie, saban udan banjir bae kuh... berarti pemerintahe Ya mang sing beli sregep?” takon Yu narti. “tapi ning tipi sih, jare pemerintahe kuh sing salah udan sing beli mandeg-mandeg.” Sambung Jaroji.

“Lah masa nyalah nang udan sing beli mandeg-mandeg. Kuen sih pada bae nyalah nang Tuhan.” Jare Mang Dekok. “Terus sing bener salahe sapa mang?” Takon Yu Narti maning.

“Ya... salah nang bae kodok! Angel-angel temen...” Jare Mang Dekok  cuek. (NC)