@Sega Jamblang #1

Mumpung Durung Dilarang

“Sega pitu, tahue telu, dadare siji, sambel loro truss pusue siji” jare Mang Dekok seuwise ngentongnang sega jamblang dagangane Yu Narti. “Akeh pisan mang mangan segae kuh! Lagi kempong tah?” jare Jaroji nyletuk. “Mumpung sega durung dilarang!” jare Mang Dekok sekenae, bari nyleguk es tehe sing tinggal separo. “Lah emange mangan sega kuh bakal dilarang tah?” takon Jaroji maning. “lah sira kuh priben jeh Ji, bocah enom jeh beli weru perkembangan brita.” “lah mamang kan weru dewek, ning umah langka tipi, memange ana apa jeh mang?” takon Jaroji tambah penasaran.

“Kan mengko pemerintah bakal ngadanang dina tanpa sega, jadi dina kuen kita kabeh rakyat kih beli oli pada mangan sega.” Jelas Mang Dekok. “Lah priben sih macem-macem bae! Wong saban dina bae kita wis kengelan goleti sega, kadang mangan kadang beli. Iki malah ana dina tanpa sega.” Protes Jaroji bari nyerocos. “iya bener macem-macem bae, mengko kita dagange apa?” Jare Yu Narti melu nimbrung. “Ya ari mengko gantie sega, rakyat kudu mangan roti, ya sira dagange roti jamblang.” Jare Mang Dekok cuek. (NC)

Belajar Etika

“Wah mobile pak lurah kuh gonta-ganti bae ya? Wingi ngenggo sing abang, winginane kuning sekien ngenggo sing ijo. Apa kelurahane lagi mremaan gawe KTP tah?” Jare Dulgani bari cangkeme ngunyah sega jamblang. “Sira kuh Gan lagi mangan jeh nyrocos bae kaya entog, beli duwe etika pisan bocah enom kuh?” Jare Wak Haji sing lagi mangan sega jamblang ning sebelahe. “Lah Wak Haji kih priben jeh, kan ngerti dewek kita kih wong kere, jadi wajar ari beli duwe etika.” “lah apa hubungane kere karo etika? Ari etika kuh ya cung, priben awake dewek nuruti ilmu agama, matuhi adat istiadat, karo taat ning peraturan hukum sing berlaku!” Jelas Wak Haji bari nadae sengit.

“Jare sapa Wa Haji Kuh? Beli segampang kuen jeh! Buktie bae anggota DPR! Pengen belajar etika sampe kudu lunga adoh-adoh ning Yunani. Lah ari kaya kita wong kere, duwit seng endi anggo ongkos ning Yunanie? Paling banter gen teka ning umahe Yu Nani adie Yu narti.  Jadi wajar bae ari beli duwe etika sih.” Jare Dulgani bari nyrocos. “Dasar bocah edan!” Jare Wak Haji mengkel bari sekuat tenaga nyokot blekutake. (NC)